1(David ko wur) O Kaem, aga sangaruko, yu bausam adogotak te se sarenga namarikko tom pingi aram!
2Ani yu lom biya ningi kaperem ale sanamarikko me terong; yu lom biya aga ira kaluwurokko tom pingi aram.
3Ani ai nia lagerem ale angimik sail menaram ale adogotak maraka saparam. Ni aninga Kaem se ni aga sangaruko amotam bita lagasam, bare yam mena biya.
4Kari ani agarak memek betesan, mu yam kumik duap bo mena biya; nuna suen biya, amone asupuling te mu ko tom kiaram; nuna suen biya se den kawel ago ko balsan ale aga momon se kuerikko ago kaesan. Ani nunga mel bo me tere naem, bare den ipi atumu aisiman, se ani agata aga mel mu koma ko nungarem.