Psalms 59:8-15

⁸Bare O Yawe, ni nunga gusisam; ale nunga den alel balsam.

⁹Ni aninga Sokel, se aga sangaruko nikate la ira sanami lagasam; O Kaem, ni aninga yumura kuwim,

¹⁰se ni ninguru aga kua lagasam; se ani ikisam, ni aninga sangaru se kager kari memek umu abowa nunga tugumekko.

¹¹Bare aninga kariimet me ari ikimon bore ko, O Biya, anananga Karem, ni pasak ala kari memek umu me nunga moar se kuemonko; nika sokel aora mu te nunga bila ale nunga parusuwur se nungumik sokel menarukko.

¹²Nuna nuguring nungamili te den kawel se nunumi patawura ko den aratu lagoso, bare mu giris palaguk ale nunga taliparukko. Nuna den memek te saki alo nunga balu maguwusan,

¹³buta se nika gemang memek te nunga maguwur ale nunga menawu sapar se menara biya menamonko. Ni uwuta bitar se ali sor suen biya ko kariimet te ikimon ale balmon, “Jacob ko Kaem nongorak bagoso.”

¹⁴Aninga kager kari mu tirom pelesan taisan ale wonong karo gurungumu se kausik iwita ngararak ngararak geragasan.

¹⁵Nuna na ko loagasan geragasan, ale me arigisan mu am ngus ngus geraga lagasan.