Psalms 59:4-12

⁴Ani memek bo me beterem, bare ani agarak kagermonko bagasan. O Kaem, ni bares ale aga sangaruko!

⁵O Yawe, ni Kaem Sokel Garagar, ni Israel ko Kaem, ni bares ale kari memek alo mu suen la nunga maguwurko, nuna memek nunguningkiri se me ta nunga gemang nungaruko.

⁶Nuna tirom pelesan taisan ale wonong karo gurungumu se kausik iwita kager ko ngararak ngararak geragasan.

⁷Nuna nuguring te den balsan mu memek biya, batir kore wuli tamatama wore toroman, ale balsan, “Awiri ‘mena’ maukko? Mena!” masan.

⁸Bare O Yawe, ni nunga gusisam; ale nunga den alel balsam.

⁹Ni aninga Sokel, se aga sangaruko nikate la ira sanami lagasam; O Kaem, ni aninga yumura kuwim,

¹⁰se ni ninguru aga kua lagasam; se ani ikisam, ni aninga sangaru se kager kari memek umu abowa nunga tugumekko.

¹¹Bare aninga kariimet me ari ikimon bore ko, O Biya, anananga Karem, ni pasak ala kari memek umu me nunga moar se kuemonko; nika sokel aora mu te nunga bila ale nunga parusuwur se nungumik sokel menarukko.

¹²Nuna nuguring nungamili te den kawel se nunumi patawura ko den aratu lagoso, bare mu giris palaguk ale nunga taliparukko. Nuna den memek te saki alo nunga balu maguwusan,