Psalms 46:6-10

⁶Ali lilim ningi niara nguangara biya barasoso, kingdom bibiya parasa kapasan; mu awuk, Kaem ko kuring pure iwita pagoso se, ali kutukutuk maso ale turupuso kaposo.

⁷Yawe Sokel Garagar mu nangarak bagoso, Jacob ko Kaem mu anananga manga gek am.

⁸Tairal Yawe kiwem beteram ewere arigalko, nu ali sor maguwuram ewere arigalko.

⁹Nu ali lilim la te kager menawuram, ale daga gatu gi kulukumuram, ale karem gi tama ningi awuram se kani namaram.

¹⁰Ale balam, “Daigal kutek mal ale ani Kaem mu aga ikialko; sor suen la te aip patawumonko, ali lilim la te nup biya aisimonko.”