Psalms 45:8-11

⁸Ni guang balayam nagurem mu mel siring yawara yawara karogo terong mam; nika kawam bala duap duap wore te bala tuman, ale ni amilmil kisimonko gita te wur yagowom gurugusan.

⁹King saki nunga nanawusari se imet nunup bibiya mu karogo taiman; se imet ni ilak nimi kiting ilup se nika niwus ko bagarukko mu, kiting sengam mu te, sor Ophir ko bala gold te nungurman mu naguram ale bagoso.

¹⁰Ikiko, aga nanawus, degewa gurugu ale den imi ikiko: Ni ka kariimet se ka niet ko kawam digo lilim biring tuiko.

¹¹Se king ka amilmilaruk, ale ka kema motam balayam mu ko kueruk, se ni nup biya tui se nu nika bituokko.