Psalms 42:9-11

⁹Aninga Kaem mu aninga Duruk motongar, se ani isarsam, “Ni awuk se ani ago ko kamili saparam? Awuk se kari memek aga maguwuman se iwitata ma niara te la bagasam?”

¹⁰Nuna kowarkalal maiya la nusuwik sapara den balsan, ale masan, “Nika Kaem apoko ya?” masan. Den imi ani mare iwita angimik barukuso ale ningi namoso se ani kuerikko kaesam.

¹¹Aninga angamang motam pa awuk se dagulam? Awuk se kumik lila mena? Bare aninga ikia, aninga loagara mu Kaem kote la bitirikko; se nu aninga sanguk se ani akingtala nup patawurikko; nu aninga Saonga Kari, se aninga Kaem.