Psalms 34:2-6

²Aninga adera angimik mu noko balu patawurukko; kariimet ikup giwasan mu ikimon ale amilmilamonko.

³Nina ani agarak bolala la ko nup nikim garagar wore patawunakko; ana noko nup biya se noko sail ko amilmilanakko!

⁴Ani Yawe kote niarem se nu ikiam ale aninga nguangara angimik ningi mu menawu saparam.

⁵Kariimet nu kote la loaga lagasan mu nungumik guyak aso; nuna dolara mu me nunga ira kaluwurokko.

⁶Ani ikup biya ningi kaperem ale nu aurem se nu ani agiring ikiam, ale aga ikup suen la te aga saongam.