Psalms 34:14-21

¹⁴Nina kiwem memek nibiring tual ale kiwem ningo la beteralko; bagara welang se lila mu nengemang tual ale ko nisipiling diruwuralko.

¹⁵Yawe ko motam mu kariimet diram mu nungarkiwoso, ale nunga aira ko dogowa gurugu lagoso;

¹⁶bare kariimet memek betesan, mu nu buring gurugu nungarso, ale nunga menawuso se udagi kariimet bo me ta nunga ikiso.

¹⁷Kariimet ningo diram mu niasan se Yawe nuguring iluso; nu nunga ikup suen la te nunga sangaru taso.

¹⁸Ale kariimet nongomang motam batagam mu nongorak pingi baga se, kariimet nunumi ikisan mel bo betemonko me terong mu sangam nungarso.

¹⁹Kariimet ningo diram mu ikup suen biya arigimonko, bare Yawe ikup suen la mu te nunga sangukko.

²⁰Nu nunga nungumik sokel suen la ko sinar tauk se bo ta me maga namarukko.

²¹Memek betera ko kariimet alo mu memek arigimonko; nuna kariimet ningo diram mu nunga bita maguwuman mu ko koma memek tamonko.