Psalms 33:12-21

¹²Sor aguwaya mu nuna nunga Kaem mu Yawe, mu amilmilamonko; sor umu ko kariimet nu noko ma nunga balam, mu amilmilamonko.

¹³Yawe duruk wonong te daigam baga se, loagoso se aliti kaposo se kariimet suen la nungarkoso;

¹⁴nu ko sor te bagoso mu te baga se, kariimet ali lilim la imi te bagasan mu nungarkoso;

¹⁵nuguta kariimet nongomang motam nungam, buta se nuna aguwaya betesan mu nu ko iki saposo.

¹⁶King bo noko kager kari suen biya mu te la numi me sangarso; agi kager kari bo ta kota ko sokel mu te me numi bataguru taso, mena.

¹⁷Uwutatala, kager te nanimi sangaru ta mu nanga horse ko sokel te la me aniso; nanga horse mu sokel tamatama wore me nanga sangukko.

¹⁸Bare Yawe kariimet nu ko nguanga se nu bowa ningi la bagasan mu nunga sinar taso; awiriya noko kua nangara kumik menara mena mu te la ira sanamasan,

¹⁹mu nu nunga sinar taso se nuna me kuesan; nu karak tom te na nungarso se terong la bagasan.

²⁰Ana Yawe kote la loagawasan; nu nanga Saonga Kari, se nanga karem.

²¹Anananga nangamang motam ninguru ta nu ko ko amilmiloso, mu awuk, ana noko nup laili mu te la ira sanami lagasan.