Psalms 26:3-11

³mu awuk, nika kua aisa mu aninga mel gira nunguningkiri ko betesam, ale ani pempem la nika den nunguning mu karo tui lagasam.

⁴Ani kawel kariimet mu arungak me aimi gisam, ale kariimet nungamili sorang karogo mu arungu me sorasam.

⁵Ani kariimes memek duap duap bitawara mu arungak me bolala awusam, ale kariimet ikia memek ago mu nunga dulursam.

⁶Yawe, aninga bagara aolak ko ninguru sinar tasam, ale umu te ani nika altar duap te taisam,

⁷ale ka wur bo nika nip te patawura mu ilu se, nika kiwem duap duap mu ko balsam.

⁸Yawe, ani nika temple laili mu ningi bagarikko kua lagasam; mu borta te nika kimik nikim te aniso.

⁹Ni memek betera ko kariimet se kariimet nuguting gue karogo mu nongorak me aga sarumu saparko.

¹⁰Nuna kilek memek betemonko sinar ago bagasan, ale manga te kariimet nongomang kulukursan.

¹¹Bare ani mu aga bagara aolak ko ninguru sinar tasam, bore te se gemang lila te aga sangaru toko!