Psalms 23:4-6

⁴Ani ta memek biya ningi kaparik, bare ani memek mu ko me nguangarikko, mu awuk, ni ani agarak bagasam; nika tam te aga bitarsam mu se, nika sikir te aolak ilu se aga kiti gurugusam mu ani sokel aisiso.

⁵Ni aninga kager kari nomotam te na ningo ningo angama te awusam; ale oil siring yawara asupuling te warsam; se ani ninguru ko amilmilasam.

⁶Nunguningta, nika ningo se nika gemang lila mu ani agarak pempem ani se lagarukko, se ani ni kerak ka bagara kuwim te butata baga se lagarikko.