Psalms 22:25-29

²⁵Biguwura biya te ani ka nip patawurikko; ale anapeya munan bita kisekko mu, kariimet nika kiring bowa ningi bagasan mu nomokete bita kisekko.

²⁶Se kariimet nunup mena, kituwura guat mu, na namon nungumik ago terong maukko; kariimet ni ko ko kuesan mu nika nip patawumonko. O Yawe, marak nungaru, se tom suen biya amilmil ago la bagamonko!

²⁷Ali koma suen la te, kariimet Yawe ko ikimon ale giris palagamon ale kote taimonko; ali lilim ko kariimet nu koma te nubugura kulukurmonko,

²⁸mu awuk, Yawe nu King Biya; nu ali sor suen la nunga bitarso.

²⁹Kariimet nungumik mel karogo mu no gi se nup patawumonko; kariimet tom tukunangta baga kua iwi namasan, mu suen la koma dugu te nubugura kulukurmon ale nup patawumonko, mu awuk, nuna pempem marak me baga lagamonko.