Psalms 22:16-19

¹⁶Kausik memek aga taluluru guruguman iwita, kari memek aga taluluru guruguman. Nuna aga asiwik agiting usi barukuman.

¹⁷Se aninga angimik sokel suen la mu ani ko ikiwasam; kariimet ani agarkasan ale “terong memek tam” ma balsan.

¹⁸Nuna aninga angimik guang kututuwu giman ale pagaru nunumi tuman; ale aga guang bo kolamon ale awiriya taukko mu ko kola gilingiman.

¹⁹Bare Yawe, ni awar biya me bagerko! Ni aninga Saonga Kari, tairatela tair ale aga sangaruko!