Psalms 18:20-25

²⁰Ani munan laili karo tuem, se Yawe koma ningo aisam; ani memek bo me beterem, se nu marak ningo aisam.

²¹Ani noko munan diram la karem; ani munan memek bo me beterem, ale abiring me gurugu tuem.

²²Ani pempem la noko munan mu angama sengem ko aniso, se kuring me kulukurukasam.

²³Ani noko motam te angimik ikup bo mena; ani aimi ko ninguru sinar tokasam, ale memek bo me bitakasam.

²⁴Se Yawe aninga munan laili arigam ale koma ningo aisam; mu awuk, ani noko motam te diram la bagakasam.

²⁵O Kaem, awiriya ni ko ko kua kaposo, mu ni ka kua kapara ko munan mu kote betesam; se awiriya munan ningo beteso, mu ni ka munan ningo kote betesam.