Psalms 147:13-20

¹³Mu awuk, nu nika sor kuring sokel tuso, ale nika kariimet nika ningi bagasan, mu marak sokel nungarso.

¹⁴Nu nika ali ko tom bitarso se terong aniso, se inang ningo nuam kisiso se ni karogo terong masam.

¹⁵Noko den balso se tairate ali imi te tai kaposo ale nunguning kaposo.

¹⁶Nu tama bur beteso se sor ereso, ale sor ninguru ipiso ale birigira ningi taiso, se ali awote sirar ma saposo.

¹⁷Nu tuwik muguri bibiya manga karakarang iwita mu warso se kaposo. Se awiri tuwik ipi birigira karogo kaposo mu te bagarukko terong?

¹⁸Aking nu balso se yu ipiram ale auram mu palenga yu ko namoso; nu noko marir guruguso patawuso se yu palengoso ale naguso.

¹⁹Nu noko munan den mu Israel nungaram, noko kiti guruga ko den se noko karo tuata ko den mu ko kariimet umutang nungaram.

²⁰Bare nu munan imi sor bo ta nongote me bita arigam, mena; nuna noko munan den me ko ikisan. Yawe ko nup patawunakko!