8Turomola pempem nika kua ani aisa, kumik menara mena mu, aga kasuruko, mu awuk, ani ni kete la loaga lagasam. Ani aguwaya namarikko wore, ko lage aga kasuruko, mu awuk, aninga adera angimik mu ni kete la sokel taso.
9O Yawe, aninga kager kari alo nuguting te aga bataguru toko, ale ni keta aninga karem iwita aga kaluwurko.
10Ni aninga Kaem, nika kiwem aga kasuru se ani karo tuekko; se nika Bur Ningo lage diram aga kausok ale sor wolong te agarak aolak iluwokko.
11O Yawe, keta ka nip ko ningo mu ko, aga sangaru toko; ni ningo dirkiriyam se ikup ningi aga bataguru toko.
Psalms 143
Psalms 143:8-11