Psalms 137:3-7

³mu awuk, kari nanga ilu talipaman ale nangarak nunga sor te taiman mu wur ilunakko nanga diruwukasan, ale nanga manarukasan, “Nina Zion ko wur amilmil bo iluwal se ana ikinakko!” makasan.

⁴Bare ana sor iwareng imi te Yawe ko wur ningo ngual kasik ilunakko mu me terong.

⁵O Jerusalem, ani ni ko ko angamili sapa namaruk mu, agiting sengam mu magaruk se ani bawe te me morikko.

⁶O Jerusalem, ni aninga mel gira, ani ni ko ko amilmil kelaga lagasam; se ani ni ko ko angamili saparuk mu, agiring am sisirokko.

⁷O Yawe, munan memek Edom kariimet, tom Jerusalem te dagulam se beteman, mu me ko kamili saparukko; nuna aikasan balukasan, “Wonong sumu am menawuralko!” makasan. “Kawam digo bo me bagarukko.”