Psalms 127:1-4

¹(Ilu se temple te nama tarigira ko wur; Solomon wur imi batogam) Yawe nu kawam kaola kari mu arungu me bagaruk agi mu, ura kari nongota ura bo nunguning me betemonko. Yawe wonong buring tuok agi mu, bitua kari mu wonong bitarmonko me terong tala.

²Tumong biyala barasa ale nangata nanga sokel te inang ko ura ilu lagara nama uriluanara, mu ko ikia me terong, mu awuk, Yawe ko kariimet nunga kueso mu inang nungarso se nasan, ale ninguru anisan nonoman sapasan.

³Yawe kuriang nangarso mu noko munan ningo nunguningkiri wore nangarso.

⁴Kari kulak ko kuriang kari aratasan, mu gatu siping ago kari kuting te iluwoso iwita.