Psalms 119:88-92

⁸⁸Nika kua nangara ko munan te, aga sangaru se marak baga se nika den karo tuekko.

⁸⁹O Yawe, nika den mu kumik menara mena; sokel karogo duruk wonong te butata aniso.

⁹⁰Nika diram la karo tua ko munan mu, tom pempem la kuriang luan gue gue te butata aniso; ni ali lilim la nungem burangerem se yager nukuri ago aora biya butata aniso.

⁹¹Nika den uwutata aniram tai aitak, mu awuk, melmasak suen la mu nika ura dungan betesan.

⁹²Nika karo tua ko den mu ani amilmil aisiso. E ani me ko amilmilasam le mu, tom ani ikup arigem mu te ani angimik lilim ago maga namerem la le.