2Magnus Dominus et laudabilis nimis, in civitate Dei nostri, in monte sancto ejus.
3Fundatur exsultatione universæ terræ mons Sion; latera aquilonis, civitas regis magni.
4Deus in domibus ejus cognoscetur cum suscipiet eam.
5Quoniam ecce reges terræ congregati sunt; convenerunt in unum.
6Ipsi videntes, sic admirati sunt, conturbati sunt, commoti sunt.
7Tremor apprehendit eos; ibi dolores ut parturientis: