Sòm 47:2-7

²(047:3) Paske, Seyè ki anwo nan syèl la, se moun ki pa nan jwèt, se moun pou nou pè. Se yon gwo wa k'ap gouvènen sou tout latè.

³(047:4) Li fè nou dominen sou anpil pèp, li mete anpil nasyon sou zòd nou.

⁴(047:5) Se li ki chwazi peyi kote n'ap viv la pou nou. Peyi sa a se yon lwanj pou pitit Jakòb li renmen anpil yo.

⁵(047:6) Bondye ap mache moute, tout pèp la ap rele, y'ap kònen klewon sitèlman yo kontan.

⁶(047:7) Chante pou Bondye, fè lwanj li! Wi, chante pou wa nou an, fè lwanj li!

⁷(047:8) Paske, se Bondye ki wa sou tout latè. Chante yon chante espesyal pou li!