SALMOS 47:2-7

²Pampa TOTECO yajaya tlen más hueyi huan temajmati. Yajaya nopa hueyi tlanahuatijquetl tlen quinahuatía nochi ni tlaltepactli.

³Quintzontlamilti pilaltepetzitzi toixtla huan quitlalijtoc nochi tlaltini tomaco para tiquinnahuatise. Yeca tojuanti tlahuel tipaquij.

⁴Yajaya quitlapejpenijtoc ni tlali para techaxcatis. Techmaca tlen más cuali pampa techicnelía tojuanti tiitlacajhua.

⁵Toteco Dios tlejcotoc campa tlanahuatía. Nochi tzajtziyaya ica paquilistli huan tlapitzayayaj ica tlapitzali quema TOTECO calaquiyaya.

⁶Xihuicaca tiohuicatl para ma tijpaquilismacaca Toteco Dios. Xijhuicatica pampa yajaya totlanahuatijca.

⁷Toteco Dios, yajaya nopa tlanahuatijquetl tlen quinahuatía nochi ni tlaltepactli. Xijcualtlalica se huicatl tlen yejyectzi huan xijhuicatica.