Psalmaro 78:14-23

¹⁴Kaj Li kondukis ilin tage en nubo Kaj la tutan nokton en la lumo de fajro;

¹⁵Li fendis ŝtonojn en la dezerto, Kaj trinkigis ilin kvazaŭ el granda abismo;

¹⁶Li eligis riveretojn el roko, Kaj fluigis akvon kiel riverojn.

¹⁷Sed ili plue pekis antaŭ Li, Ĉagrenis la Plejaltulon en la dezerto;

¹⁸Kaj ili incitis Dion en sia koro, Petante manĝon pro sia kaprico;

¹⁹Kaj ili parolis kontraŭ Dio, Kaj diris: Ĉu Dio povas kovri tablon en la dezerto?

²⁰Jen Li frapis rokon, Kaj verŝiĝis akvo kaj ekfluis riveroj: Ĉu Li povas ankaŭ panon doni? Ĉu Li pretigos ankaŭ viandon por Sia popolo?

²¹Tial la Eternulo, aŭdinte, flamiĝis; Kaj fajro ekbrulis kontraŭ Jakob, Kaj leviĝis kolero kontraŭ Izrael;

²²Ĉar ili ne kredis je Dio Kaj ne fidis Lian savon.

²³Kaj Li ordonis el supre al la nuboj, Kaj Li malfermis la pordojn de la ĉielo;