Psalmaro 51:13-19

¹³Mi instruos al la krimuloj Vian vojon; Kaj pekuloj revenos al Vi.

¹⁴Liberigu min de sango, ho Dio, Dio de mia savo; Mia lango kantos Vian justecon.

¹⁵Ho, mia Sinjoro, malfermu miajn lipojn; Kaj mia buŝo rakontos Vian gloron.

¹⁶Ĉar Vi ne deziras oferdonon, alie mi ĝin donus; Brulofero ne plaĉas al Vi.

¹⁷Oferdonoj al Dio estas spirito suferanta; Koron suferantan kaj humilan Vi, ho Dio, ne malŝatas.

¹⁸Bonfaru al Cion laŭ Via favoro, Konstruu la murojn de Jerusalem;

¹⁹Tiam plaĉos al Vi oferdonoj de pieco, brulofero kaj plenofero; Tiam oni metos sur Vian altaron junajn bovojn.