9La Eternulo estas bona por ĉiuj; Lia favorkoreco estas super ĉiuj Liaj kreitaĵoj.
10Gloros Vin, ho Eternulo, ĉiuj Viaj kreitaĵoj, Kaj Viaj fideluloj Vin benos.
11Ili raportos pri la gloro de Via regno Kaj parolos pri Via potenco,
12Por sciigi al la homidoj Lian potencon Kaj la majestan gloron de Lia regno.
13Via reĝeco estas reĝeco eterna, Kaj Via regado estas por ĉiuj generacioj.
14La Eternulo subtenas ĉiujn falantojn Kaj restarigas ĉiujn kurbigitojn.
Psalmaro 145
Psalmaro 145:9-14