Psalmaro 139:10-14

¹⁰Ankaŭ tie Via mano min kondukos, Kaj Via dekstra mano min tenos.

¹¹Se mi diros: Mallumo min kovros, Kaj la lumo ĉirkaŭ mi fariĝos nokto:

¹²Eĉ mallumo ne mallumas antaŭ Vi, Kaj la nokto lumas kiel tago; Mallumo fariĝas kiel lumo.

¹³Ĉar Vi kreis mian internaĵon, Formis min en la ventro de mia patrino.

¹⁴Mi gloras Vin, ĉar mi estas mirinde kreita; Mirindaj estas Viaj kreitaĵoj, Kaj mia animo tion bone konscias.