109Mia animo estas ĉiam en mia mano, Sed Vian instruon mi ne forgesas.
110La malvirtuloj metis reton por mi; Sed de Viaj ordonoj mi ne dekliniĝis.
111Mi heredigis al mi Viajn ordonojn por ĉiam, Ĉar ili estas la ĝojo de mia koro.
112Mi klinis mian koron, Por plenumi Viajn leĝojn eterne ĝis la fino.
113Skeptikulojn mi malamas, Sed Vian instruon mi amas.
114Vi estas mia ŝirmo kaj ŝildo; Vian vorton mi fidas.
115Foriĝu de mi, malbonagantoj; Mi observos la ordonojn de mia Dio.
116Subtenu min laŭ Via diro, ke mi vivu; Kaj ne hontigu min pri mia espero.
117Fortikigu min, ke mi saviĝu, Kaj mi ĉiam havos plezuron de Viaj leĝoj.
118Vi forpuŝas ĉiujn, kiuj dekliniĝas de Viaj leĝoj, Ĉar ilia falsaĵo estas mensoga.
119Kiel skorion Vi forĵetas ĉiujn malvirtulojn sur la tero; Tial mi amas Viajn decidojn.
Psalmaro 119
Psalmaro 119:109-119