Proverbs 22:19-29

¹⁹Gu ba’adag ni ngam tay e pagan’ rom ngak SOMOL; aramfan ni nggu weliy e pin’em ngom e chiney.

²⁰Kug yoloy nga but guyey yu bugithin ni fan ngom. Nib sug ko llowan nge fanow ni bfel’,

²¹mra fil ngom ko mang e rib riyul’. Ma nap’an e yira l’oegem ni ngam gay ko mang, ma bay mu fek e fulweg riy i yib nib mat’aw.

²²Dabi mang i tay ngom ngu’um fek ban’en rok be’ nib gafgow ni bochan e rayag rom; dabi mang i tay ngom ni ngu’um gafgownag e pi’in ka ra magawon gad u tafen e puf oloboch.

²³I SOMOL e bayi pithig e pa’ i oloboch ni bay u puluwrad me gafgownag e yafos ko en ni be gafgownag e yafos rorad.

²⁴Dab mm’ag tafger ngak e girdi’ nib gelyuwan ma ba gel e damumuw rorad.

²⁵Ya rayag ni mit pangirad ngom ni dabkiyag ni mu thilyegnem.

²⁶Dab mmicheg ni nge milfan e malfith rok be’ ngom.

²⁷Ya fa’anra dabiyag ni ngam thang, ma mus ko chob rom miyad ra fek.

²⁸Dab mu gachgacheg e mathil ko binaw ni duwgiliy e girdi’ rom kakrom.

²⁹Mu dag be’ ngog nma rin’ e maruwel ni bfel’, mu gu dag be ngom ni kabfel’ boch ko tin yo’or e girdi’, ma rabung ni nge un ko sabal ko pilung.