Proverbios 22:17-29

¹⁷Dule-binsaed-ibed-e-sunmakedi, nuekwaa be itoge. An be-odurdakedba, be ibmar imake.

¹⁸Ar be we-ibmar nonogi-gaele, bela be gannar-gannar sogdiile, be yeer-itogoed.

¹⁹Bab-Jehováʼgi be mer benguega, emi an be-owisonaid.

²⁰Emi, an bega durgwen-gakambe (30) binsaed-nuegan-ibmar-wisigued narmaksad.

²¹Adi, be gayaburba-napiragwadi, wisi guega, adi, dule-bese-ibmar-egised-abin nabir be ibmar sogegar.

²²Melle dule-wileged-ibe be ibmar-atursae, ar wede, dule-wilegedid. Melle igar-naboleged-neggi dule-ibmar-sate-gudiid be sabsur-imakbalo.

²³Ar Bab-Jehová wemar-ular gwisguoed, geb dule-wileged-ibe-ibmar-susad-annik ibmar sumogoed.

²⁴Melle be dule-emar-sabsur-imaked-e-aiga gue. Melle be dule-emar-wiogedba akabali.

²⁵Ar e-ichakwadamalad be durdaksale, na be dukin boni-dummad amioed.

²⁶Melle be emar-anar ibmar-imakoye sogo. Melle be emar-anar mani-bennukega gubalo.

²⁷Ar be bennukega mani-sate-gualile, be-gabedse-bakale, be-ibe sumaloed.

²⁸Melle be-dadgan dikasurgus-nainu-abingunaidgi ibmar-ogwichismalad be oniro.

²⁹¿Dule e-arbaedgi nued-arbaed be dakdii? Dule-deyob-arbaedi, reymarga arbadii guoed, dule-binsarmaladga arbaosulid.