Proverbios 13:1-11

¹Machi-binsaed-ibed, e-bab-ega-binsaed-uked nabir-itoged. Machi-uayasuliddina, ega-binsaed-uked isdar-itoged.

²Dule-inniki-sunmaked, na e-sunmakedgi ibnued amidii guoed. Dule-emargi-yolemaladdina, unnila urwedginbi gudii guoed.

³Dule-na-e-gwabinduku-nabir-bargaed, na dukin e-san bendakdiid. Dule-na-e-gwabinduku-wissur-bargaeddina, na dukin e-san wioged.

⁴Dule-wiegala, na e-ibmar-abediid gwen-abingaosulid. Dule-gadi-arbaeddina, na e-ibmar-abediid abingaedsegad.

⁵Dule-innikidaed gakan-igar gwen nabir-daksulid. Dule-isganadina, binged-amiedid, degine, emar-wiogedid.

⁶Ibmar-inniki-imakleged dule-inniki-gudiid-bendakedid. Ibmar-isganadina, dule-isgudiid-wiogega imaked.

⁷Abar-dulemar mani-nikayob gudidamalad, degi-inigwele, ibmardi gwen nikasurmalad. Abar-dulemar ibmarsuliyob gudidamalad, degi-inigwele, ibmardi nue-nika gudidamalad.

⁸Dule-mani-ibed mani-nikadbali, sunna dule-isganase galesar gudiid. Dule-wilegeddina, we-boni nikasulid, ar dulemar bai daksulid.

⁹Dule-innikidaed-e-gudiidi, gwallu-gaeyob weligwaled oyodiid. Dule-isgana-gudimaladdina, negsichid-naiyob gued.

¹⁰Dule-san-dummarba-imaked emarga urwed-amied. Dule-na-san-bipi-imakeddi, binsaed-nikaguedba gudiid.

¹¹Mani-yogasaar-amileged baisursunna-berguddaed. Dule-mani-saboged-wisiddina, binnasdikii ibmar-nikumaidaed.