HEREVA LADA-ISIDIA 13:1-11

¹Aonega merona ese tamana ena hahediba herevadia e kamonai henidiamu, a ḡonaḡona tawla ese sisiba herevadia se kamonaidiamu.

²Uduna anina amo tau namona ese namo e aniamu, a kara heḡui-heḡui tauna ena ura be daḡedaḡe.

³Uduna e nariamu tauna ese ena mauri nahuana e tohoamu, a uduna e haḡaia badabadamu tauna na sibona e hahedikamu.

⁴Lahedo tauna lalona e ura dikadikamu, to ḡau ta se abiamu; a e ḡaukara malaka-malakamu tauna na ḡau e henia momomu.

⁵Kara maoromaoro tauna ese koikoi e inai heniamu, a kara dika tauna na ena hemarai karadia daidiai e dadaraiamu.

⁶Kara maoromaoro ese dala maoromaorona ai e rakamu tauna e gimaiamu, a dika ese kara dika tauna e hadarereamu.

⁷Tau ta sibona taḡa tauna e hegwauraimu, to asi ena ḡau ta; ma ta sibona ogoḡami tauna e hegwauraimu, to ena taḡa na bada.

⁸Tau ta ena mauri ibodohilaina na ena taḡa, a ogoḡami tauna na asi ena mauri ibodohilaina ḡauna.

⁹Kara maoromaoro tauna diarina na mai moalena, a kara dika tauna lamepana na baine bodo.

¹⁰Se henahua tohomu tauna ena ḡadeḡade ese heiri-heiri e havaraiamu, a aonega na sisiba e abia daemu taudia ediai.

¹¹E abi kava kohudia na bae ore haraḡa-haraḡa, a ena kohu taidia taidia amo e haboumu tauna ese ena taḡa baine habadaia.