Ose 2:3-6

³Nanga wooye sa bokk yu góor: “Ñoñi Aji Sax ji,” sa bokk yu jigéen, nga ne leen: “Ñi Aji Sax ji yërëm.”

⁴«Tiiñal-leen seen ndey, tiiñal-leen ko, ndax moom du sama jabar, te man duma jëkkëram. Nee ko mu bàyyi gànctu te noppee tegoo màndargam njaaloo.

⁵Lu ko moy ma futti ko ba mu ne duŋŋ, def ko ni bés ba mu juddoo, melal ko ni màndiŋ. Maa koy def ni joor gu wow, marloo ko ba rey ko.

⁶Ay doomam, duma leen yërëm, nde doomi ngànctu lañu.