Hosea 2:3-6

³Embe masi, go aê oc jakwalec ênê ŋakwê su e êkô ôli ŋaôma êtôm bêc, taŋ têna kêkôc eŋ naŋ. Aê oc jaŋgôm eŋ êtôm nom ŋakeleŋ to gasaŋ ma bu êjô eŋ êndu.

⁴Aê oc taêc walô ênê gôlôac atom gebe nêŋ ŋam kêsêp mockaiŋo

⁵gebe êsêac teneŋi kêtu mockaiŋo su. Eŋ kêkôc êsêac, mago kêsa nê lêŋ maja gêbacgeŋ. Eŋ kêsôm gebe “Aê jandaŋguc ŋoc lau-têntac-gêwiŋ-aêwaga. Êsêac oc sêkêŋ gêŋ taniŋŋa ma bu to ŋakwê ma obo to niptêkwi ma wain êndêŋ aê.”

⁶Kêtu tonaŋŋa aê oc jambôc ênê intêna auc ŋa gêŋ têkwa-têkwa. Aê gabe jamboa tuŋbôm êkô eŋ auc gebe eŋ êsa awê atom.