Ola Saam 75:3-9

³Nomeda dijan wel en ebrijing weya jidan laibala langa dijan wel sheiksheik nomo lilbit, ai garra meigim im meinwan pat jidan strongwan.

⁴Ai dalim detlot pipul hu laigimbat miselp, ‘Nomo meigim miselp haibala!’

⁵Ai dalim detlot nogudbala pipul, ‘Stap toktok praudbalawei! Nomo toktok oldei blanga yu pawa!’” Lagijat na God bin tok.

⁶Det jadj nomo kaman brom sangidapwei o sangodanwei, o brom det nowathsaid o sauthsaid. Det pawa blanga jadjim pipul nomo kaman brom pipul.

⁷Im kaman brom God, hu jidan det boswan blanga jadjimbat pipul. Im panishim sambala en najalot im larramgo fri.

⁸YAWEI jadjim ola nogudbala pipul, jis laik im holdim kap langa im bingga, en det kap im ful garram strongwan wain. Tharran wain im det wailwan filing blanga im. Im spilimat det wain en gibit langa ola brabli nogudbala pipul blanga dringgim. Olabat dringgim en binijimap det wain holot.

⁹Bat ai kaan neba stap toktokbat blanga det God blanga Jeikob, en blanga singimbat preis song langa im.