A Umana Kakailai 75:3-9

³Ba ra rakarakan a gunagunan i purpuruan ma ra tarai tana bula, Iau, iau tar vatur vapadikat ra pagapaga tana. Sela.

⁴Iau biti dari ta diat dia malamala luluai: Koko avat a malamala luluai; Ma ta ra umana tena varpiam dari: Koko avat a vatur ra ulu i vavat urama;

⁵Koko avat a vatur ra ulu i vavat urama liu, Ma galiaka avat a vatang ra nginangal na tinata.

⁶Tago ra maramaravut pa na vana rikai ta ra papar a taur, Ta ra papar a taoai ma ta ra papar a taubar bula pata.

⁷God kaka ra tena varkurai; I vaikilik pa tikai, ma ta ra tikai i vangala pa ia.

⁸Tago ra Luluai i vatur vake ra momamomo, ma ra polo na vain tana i buabuai; I buka ma ra tava di ga pota, ma i lolonge vue; A dovotina, a lavur tena varpiam par ta ra rakarakan a gunagunan diat a mome ra mapak na magit tana.

⁹Ma iau, ina varvarvai vatikai, Ina kakailai na pite varpa tadav ra God kai Iakob.