Buk Song 75:3-9

³Graun wantaim ol manmeri i stap long en ol i ken lus. Tasol as bilong graun bai mi holim na em bai i stap strong.

⁴Mi tokim ol hambakman olsem, ‘Yupela i no ken bikhet.’ Na mi tokim ol man nogut, ‘Yupela i no ken litimapim nem bilong yupela.

⁵Yupela i no ken amamas long strong bilong yupela yet, na yupela i no ken bikmaus na tok bilas long mi.’”

⁶Wok bilong skelim pasin bilong ol manmeri i no kamap long hap bilong sankamap na long hap bilong san i go daun na long hap bilong not na long hap bilong saut.

⁷God wanpela tasol i save skelim pasin bilong yumi. Em i save daunim narapela man na litimapim narapela.

⁸Bikpela i holim wanpela kap nupela wain i strong tumas i pulap long en. Em i kapsaitim na olgeta man nogut i dring na i pinisim tru. Olsem tasol bai ol manmeri nogut i mas kamap long kot bilong God na bai ol i lus tru.

⁹Tasol oltaim bai mi tokaut long God bilong Jekop, na bai mi singim song moa yet bilong litimapim nem bilong em.