Kap 75:3-9

³Mɨktɨm wudɨp aŋakwan mɨŋat amɨnyo uŋun yaworɨ dɨma ekwaŋ. Mani mɨktɨm dakon mibɨlɨ tebai abɨdaŋapbo tebai tosak.

⁴Nak da iyɨ do nandaba wɨkwaŋ amɨn yaŋ yoyɨsat, ‘Ji pɨbɨt tɨdok dɨma ani.’ Ae amɨn yokwi yaŋ yoyɨsat, ‘Ji dɨsi dakon man dɨma pawɨgɨni.

⁵Dɨsi dakon tapmɨm do kɨsɨk kɨsɨk dɨma ani, ae madepsi yaŋ tɨdaŋek manji gen dɨma yaŋ namni.’ ”

⁶Mɨŋat amɨnyo man madep yomyom dakon pi uŋun mɨktɨm terɨ terɨ taŋ aŋ aŋ kwaŋ dakon amɨn kɨnda da arɨpmɨ dɨma agagɨ.

⁷Piŋkop kaloŋ dagɨn aŋpaknin kokwin asak. Uŋun da amɨn dɨwarɨ pabɨŋ yopmaŋek amɨn dɨwarɨ pawɨgɨsak.

⁸Yawe da kɨsitnikon kap kɨnda abɨdosok, uŋun wain yokwisi ae tebaisi yo ɨsɨpmɨ gat ɨktagɨlbi uŋungwan tugaŋbi. Uŋun tagalban amɨn yokwi morap da kɨsi naŋ mudoŋ.

⁹Mani nak toktogɨsi Jekop dakon Piŋkop do yaŋ teŋteŋok aŋek mani awɨgɨk do kap yokeŋ.