Numero 17:8-12

⁸Nurẽma Moise Ãcõrẽ wua ded̶e ed̶a wãbʌrʌd̶e unusia Levid̶eba yõna Aaroʌ̃ bacurura pãwãrã quedua bara b̶ʌda, põnõ bara b̶ʌda, idjab̶a almendra tada zauped̶a purea jira b̶ʌda.

⁹Moiseba bacurura Ãcõrẽ wua ded̶eba dajada israelerãmaa jũma edesia. Israelerãba acʌd̶aped̶a ãdjid̶e cawacawa edasid̶aa.

¹⁰Maʌ̃be Ãcõrẽba Moisea jarasia: –Aaroʌ̃ bacurura wayacusa mʌ̃ baurude quĩrãpe waga b̶ʌdua. Maʌ̃ bacurura waga eropananida panʌa mʌ̃ igarabadarãba quĩrãnebad̶amãrẽã mʌ̃a Aaroʌ̃drʌ, idjid̶eba yõbʌdarã sid̶a edasida mʌ̃ sacerdoterã b̶ead̶amãrẽã. Mãwã ãdjirãba mʌ̃ biẽ́ jara panʌda bʌa chupeabiya quinirãnamãrẽã.–

¹¹Ara maʌ̃da Moiseba jũma osia Ãcõrẽba idjía jarad̶a quĩrãca.

¹²Maʌ̃be israelerãba Moisea jarasid̶aa: –¡Dairãra beud̶ia! ¡Ab̶ed̶a jũma quininia! ¡Jũma nẽbad̶ia!