NARONA 22:20-34

²⁰Luda bↄ̀ à mↄ̀zi gwãavĩ à bènɛ: Zaakɛ gbɛ̃ kɛ̀nↄ mↄ̀ n sísi, ǹ fɛɛ ǹ gáńyo, mↄde yã kɛ̀ mɛ́ oon ǹ kɛ.

²¹Balamu fɛ̀ɛ kↄngↄ à gàari yì a zaakinɛ, ben à gàa kↄ̃n Mↄabu kínɛ pìnↄo.

²²Luda pↄ fɛ̃̀ à gana yãnzi, ben Dii Malaika gàa à zɛ à zɛ́ zↄ̃̀nɛ. Balamu di a zaaki kpɛɛ, à zĩkɛri gↄ̃ↄn plaaanↄn tɛ́o.

²³Kɛ̀ zaaki pì è Dii Malaika zɛna zɛ́ guu à fɛ̃ɛdaa wòto à kũna, ben à lìɛ sɛ̃̀n. Balamu à lɛ̀, ben à ɛ̀ara à dà zɛ́n.

²⁴Dii Malaika gàa à zɛ̀ zɛ́ wɛ́wɛn geepi líkpɛ kɛ̀ gbɛ̀ kara ligazinↄ dagura.

²⁵Kɛ̀ zaaki pì Dii Malaika è, à nà gũ̀a à Balamu gbá lↄ̀a. Ben Balamu ɛ̀ara à à lɛ̀ dↄ.

²⁶Dii Malaika ɛ̀ara à gàa aɛ dↄ à zɛ̀ gu kpaatogoo kɛ̀ liɛkii vĩroon.

²⁷Kɛ̀ zaaki pì Dii Malaika pì è, à kùɛ kↄ̃n Balamuo. Ben Balamu pↄ fɛ̃̀ à à lɛ̀ gòo.

²⁸Ben Dii zaaki pì gbà lɛ́ à yã ò Balamunɛ à bè: Bↄ́n má kɛ̀nnɛ n ma lɛ ai gɛ̃̀n aagↄ̃ↄ?

²⁹Balamu wèàla à bè: Kɛ̀ n yↄ̃nkↄyã kɛ̀mɛ yãnzimɛ. Tó má fɛ̃ɛ kũna, lɛ ma n dɛ gↄ̃ↄ.

³⁰Ben zaaki pì bènɛ: N zaaki kɛ̀ nɛɛ̀gↄ̃ diia gurↄ sãnda píngia mↄna gbã̀an ma ũroo? Má kɛ̀nnɛ lɛ zikiↄ́? À bè: Auo.

³¹Ben Dii Balamu wɛ́ɛ kɛ̃̀nɛ, à à Malaika è zɛna zɛ́n à fɛ̃ɛdaa wòto à kũna. Ben à kùɛ à mì pɛ̀ɛ.

³²Dii Malaika à là à bè: Bↄ́yãnzin n n zaaki lɛ̀ ai gɛ̃̀n aagↄ̃zi? Ma mↄ zɛ́ zↄ̃nnɛmɛ, zaakɛ n wãmɛ.

³³Kɛ̀ zaaki pì ma e, ben à lìɛmɛ ai gɛ̃̀n aagↄ̃. Tó èe liɛmɛ yãro, lɛ ma n dɛ ma à tò.

³⁴Balamu bè Dii Malaika pìnɛ: Ma durun kɛ̀, zaakɛ má dↄ̃ kɛ̀ n zɛ́ zↄ̃̀mɛro. Zaakɛ ma gana kɛ̀nnɛ zaa, mɛ́ ɛara mà tá.