NARONA 13:5-30

⁵Simɛↄ boriinↄ guu Ori nɛ́ Safata,

⁶Yuda boriinↄ guu Yefunɛ nɛ́ Kalɛbu,

⁷Isaka boriinↄ guu Yusufu nɛ́ Igali,

⁸Ɛflaimu boriinↄ guu Nuni nɛ́ Osea,

⁹Bɛyãmi boriinↄ guu Rafu nɛ́ Paliti,

¹⁰Zɛbuluni boriinↄ guu Sodi nɛ́ Gadiɛli,

¹¹Yusufu nɛ́ Manase boriinↄ guu Susi nɛ́ Gadi,

¹²Dani boriinↄ guu Gɛmali nɛ́ Amiɛli,

¹³Asa boriinↄ guu Mikaɛli nɛ́ Setu,

¹⁴Nafatali boriinↄ guu Vofosi nɛ́ Nabi,

¹⁵Gada boriinↄ guu Maki nɛ́ Guɛli.

¹⁶Gbɛ̃ kɛ̀ Musa ń zĩ bùsu gwaanↄn gwe. Musa tↄ́ kpà Nuni nɛ́ Oseanɛ Yↄsua.

¹⁷Kɛ̀ Musa e ń zĩi Kanaa bùsu gwa, à bèńnɛ: À bↄɛ kↄ̃n Nɛgɛvi gbáao à di bùsu gusĩsĩdeea.

¹⁸À gwa lán bùsu pì dɛ nà, tó à gbɛ̃nↄↄ gbãa kesↄ̃ aↄ̃ↄ busɛ, tó aↄ̃ↄ pari kesↄ̃ aↄ̃ↄ pariro,

¹⁹tó aↄ̃ bùsu maa kesↄ̃ à zaa, tó aↄ̃ wɛ́tɛnↄ bĩi vĩ kesↄ̃ à vĩro,

²⁰tó à tↄↄtɛ gbãa kesↄ̃ à bùsa, tó à línↄ vĩ kesↄ̃ à vĩro. À aĩa kɛ à bùsu pì líbɛɛnↄ sɛ́ɛ à suo. Zaakɛ geepi bɛ káakunↄ magurↄↄn yɛ̀.

²¹Ben aↄ̃ gàa wà bùsu pì asii gwàgwa zaa Zini gbáan ai Reobo, Lebo Amata kpa.

²²Kɛ̀ aↄ̃ bↄ̀ɛ kↄ̃n Nɛgɛvi gbáao, aↄ̃ kà Ɛblↄnu, guu kɛ̀ Anaki boriinↄ Aima kↄ̃n Sesaio kↄ̃n Talamaio kún. Ɛblↄnu kaɛna Zoã kɛ̀ kú Igipiti ã wɛ̃̀ swɛɛplaamɛ.

²³Kɛ̀ aↄ̃ kà Ɛsɛkↄlu guzurɛn, aↄ̃ geepi yↄ̃ doo zↄ̃̀ gwe aↄ̃ↄ lògo lía, ben gↄ̃ↄn plaaanↄ sɛna. Aↄ̃ biisioo kↄ̃n kãkãpuraao sɛ̀ dↄ.

²⁴Wà tↄ́ kpà guu pìnɛ Ɛsɛkↄlu guzurɛ, geepi yↄ̃ kɛ̀ Isarailinↄↄ zↄ̃̀ gwe yãnzi.

²⁵Kɛ̀ aↄ̃ bùsu pì yakɛ̀ gurↄ baplaa, ben aↄ̃ ɛ̀ara wà sù.

²⁶Kɛ̀ aↄ̃ sù Kadɛsi, Parani gbáan, aↄ̃ gàa Musa kↄ̃n Arunao kↄ̃n Isarailinↄ kiia píngi. Aↄ̃ sù kↄ̃n baaruo Isarailinↄnɛ ń píngi, ben aↄ̃ bùsu pì líbɛɛnↄ ↄ̀dↄańnɛ.

²⁷Aↄ̃ yã pì gbã̀ Musanɛ wà bè: Wa gaa bùsu kɛ̀ n wa zĩin. Zwi kↄ̃n zↄ́'io di gwe. À líbɛɛnↄn yɛ̀.

²⁸Mↄde bùsu pì deenↄ gbãa. Aↄ̃ wɛ́tɛnↄ bĩi vĩ bensↄ̃ aↄ̃ wɛ́tɛ pìnↄ bíta maamaa. Wa Anaki boriinↄ è gwe se.

²⁹Amalɛkinↄↄ kú Nɛgɛvi gbáan. Itinↄ kↄ̃n Yebusinↄ kↄ̃n Amↄrinↄↄ kú bùsu gusĩsĩdeen, bensↄ̃ Kanaanↄↄ kú ísiaa saɛ kↄ̃n Yoda saɛo.

³⁰Kalɛbu gbɛ̃nↄ lɛ́ yĩ̀tɛ Musa aɛ, ben à bè: Wà gá wà bùsu pì sí, zaakɛ wé fↄ̃ wà zĩ̀ bleḿma.