1Mboe kizin wal ta tizalla pa Yerusalem Mboe ki Dabit Indeeŋe tomtom tiso pio ma tiso: “Tamaŋga mi tasala pa urum ki Yooba,” na ikam yo ma leleŋ ambai kat.
2Mi iŋgi tamar ma telela siiri kwoono ki Yerusalem, mi temendernder lela kar biibi kek.
3Yerusalem, ina kar ndabokŋana. Tipo ma ambai kat. Mi ka siiri ta iliu na, mbolŋana.
4Niam wal ki Yooba amzze mi amluplup yam su kar ta ti. Zin Israel un bizin ta boozomen tiwwa ma timarmar kar Yerusalem taiŋgi be tipakur Yooba zaana. Tito tutu ta ni iur pizin tau.
Mboe 122
Mboe 122:1-4