Marqoosa 7:27-37

²⁷Yesusi zaaridi izis “Nayta quma ekki kanas yegganas bessonta gish koyro nayti mi kalletto” gides.

²⁸Izakka zaarada “Ee Godo! Kanatikka maadda matan de7idi nayta kusheppe gaden wodhdhidayssa meetesikko” gadus.

²⁹Izikka “Histikko neni hessa gida gish ba! Daydanthay ne naype kezides” gides.

³⁰Iza simmada so bishin naya daydanthay yeddin paxada hiixan ichchidaro demmadus.

³¹Hessafe Yesusi Xiroose biittafe dendidi Sidoona gizasora aadhdhi tammu katama gizasora kanthidi gede Galila Abbako gakkides.

³²Asay issi haytha tullenne ayfe qooqe asi izakko he ekki yiidi Yesusi iza bolla ba kushe wothana mala woossida.

³³Yesusikka iza asappe shaakki ekki biidi ba kushe biradhdheta addeza haythan gelthides; qasseka cuchch cuttidi addeza inxarsa bochides.

³⁴Pude salo xeelidinne tookki shempidi “Efita” gides. Hessika “Pogeta” guussa.

³⁵Heerakka addeza haythati pogettida; inxarsaykka birshettin geeshshi haasayides.

³⁶Yesusi hayssa beyidayti oonaska yootonta mala azazides; gido attin asay izi azazizadayssafe bollara keehi gujidi yootida.

³⁷Derezikka wogappe aaththi malalettidi “Izi ooththidayssi wuri lo7o; tulleti siyana mala, duuna duudeti haasayana mala ooththides” gida.