مَرَكِ 7:27-37

²⁷عِسَ نَشَ عَ يَابِ، «عَ لُ دِ مّيٍ نَن سِنفٍ شَ عٍ دّفٍ، بَرِ مَ عَ مُ لَن تَامِ شَ بَ دِ مّدِيٍ يِ رَ، عَ سَ بَرٍيٍ بُن.»

²⁸فِنّ قَن نَشَ عَ يَابِ، «مَرِفِ، عِ نْندِ، كْنْ بَرٍدِ نَشٍيٍ نَ تٍيبِلِ بُن مَ، عٍ قَن دِ مّيٍ شَ دٌنسٍ دٌنمَ نَشَن بِرَ مَ بْشِ.»

²⁹عِسَ نَشَ عَ قَلَ عَ بّ، «عِ شَ يَابِ شَ قٍ رَ، سِفَ، حِننّ بَرَ فبِلٍن عِ شَ دِ فِنّ قْشْ رَ.»

³⁰فِنّ تٌ فبِلٍن عَ شْنيِ، عَ نَشَ عَ شَ دِ لِ عَ سَشِ سَدٍ مَ، حِننّ بَرَ فبِلٍن عَ قْشْ رَ.

³¹عِسَ نَشَ كٍلِ تِرٍ بْشِ، عَ دَنفِ سِدْن، عَ فبِلٍن فَلِلٍ بَا مَبِرِ، تَا قُ بْشِ مَ.

³²عٍ نَشَ قَ تُلِشْرِ ندٍ رَ عَ شْن مَ، وْيّنقٍ شْرْشْشِ نَشَن مَ، عٍ عِسَ مَيَندِ عَ شَ عَ بّلّشّ سَ عَ مَ.

³³عِسَ نَشَ تُلِشْرِ تٌنفٌ حَمَ يِرٍ، عٍ سَ تِ عٍ شَتِ مَ. عِسَ نَشَ عَ بّلّشّسٌلٍيٍ رَ سٌ تُلِشْرِ تُلِيٍ كُي، عَ عَ يّتّ كَن دّيٍ سَ عَ نّنيِ مَ.

³⁴عَ نَشَ عَ يَ رَتٍ كٌورٍ، عَ عَ حّنفِ رَتٍ عَ بٍلٍبٍلٍ رَ. عَ قَ عَ قَلَ تُلِشْرِ بّ، «عٍقَقَتَ!» نَ نَن قَلَشِ عٍ شَ شُي، «عِ شَ رَبِ!»

³⁵عَ تُلِيٍ نَشَ قٍ مّ كٍرٍن نَ، عَ نّنيِ قَن نَشَ كٍلِ، عَ نَشَ وْيّن قْلْ عَ قَنيِ رَ.

³⁶عِسَ نَشَ عٍ يَمَرِ، عَ عٍ نَشَ يِ قٍ قَلَ مِشِ يٌ بّ. كْنْ هَلِ عِسَ تٌ نُ تْنيِ دْشْمَ عٍ مَ كِيٌكِ، عٍ تَن نُ سِفَمَ عَ شَ شِبَارُ قَلَ رَ نَن تُي.

³⁷عٍ نُ بَرَ كَابَ كِ قَنيِ، عٍ نُ عَ قَلَ، «عَ قٍ قَنيِ مْولِ بِرِن نَبَمَ! عَ عَ نِيَمَ تُلِشْرِ شَ قٍ مّ، بٌبٌي قَن شَ وْيّن!»