Markus 8:5-10

⁵Jesus a aisiniir, “Fiteföü pilawa a wor remi?” Ra pölüeni, “Füföü.”

⁶Iwe, a allük ngeni ekewe aramas, pwe repwe mottiu le pwül. Mürin a angei ekewe füföü pilawa o iotekin kilisou ngeni Kot won. A kiniretiu o ngeni nöün kewe chon kaiö pwe repwe ineti ngeni ewe mwichen aramas. Iwe, ra föri usun mine Jesus a apasa.

⁷Mi pwal wor rer ekoch kükün ik. Jesus a iotekin kilisou wor, iwe, a üreni nöün kewe chon kaiö pwe repwe pwal ineti ngeni ekewe aramas.

⁸Iwe, ir meinisin ra mongö o mötüla. Mürin nöün kewe chon kaiö ra amasoua fisu chüük ren lusun ekewe mongö.

⁹Iwe, iteiten ekewe aramas mi nom lon ei otun ina epwe ükükün rüanüngeröü. Mürin, Jesus a tiniirela lon lenier.

¹⁰Lon ewe chök otun Jesus me nöün kewe chon kaiö ra tötä won efoch wa o ra sai ngeni ewe fanü Talmanuta.