5Ma Iesu, taui i paridadanei i pa, “Awarimi palawa biaḡa?” Taui i riwa i pa, “seven.”
6Ma Iesu, patara i riwei da au doa i kiala. Ma palawa seven i vaia ma God i viegualauei ma i vogimagimai ma ana tauvotaḡotaḡo i verei da patara i verei.
7Ma taui awari, iana muomuoi ruaḡa ota. Iesu i vaia; God i viegualauei ma ana tauvotaḡotaḡo i verei da patara i verei.
8Taui anatapui i am da i am-iaua. Ma lam am tereterenai i tuarui da poa ḡaeḡaei seven i vioai.
9Rava 4,000 i viambagibagi. Ma muriai i paritawanei ai au numa.
10Maratagogi, Iesu ana tauvotaḡotaḡo maiteni au waga i geru ma i nae Damanuta ana au parata.