Mareko 7:14-33

¹⁴Ebuni Iesuꞌa vaze ḡuḡuvaḡa bare huziro. Ebu raenaꞌa, 'Zae niduꞌa, egoꞌi, ebu ederoꞌi!

¹⁵Enoneonoꞌo hebeo diuḡeꞌeteꞌe ogomuḡaniꞌe vaze mene sausauneꞌohe. Rehano zamaonoꞌo buaꞌ onaeꞌeteꞌe ḡauḡaniꞌa vaze sausauneꞌohe.

¹⁶Teḡaḡeta vazeḡaniꞌe igiꞌuma.'

¹⁷Iesu ani vaze ḡuḡuvaḡa muhizadu, ne diuḡe onamiro. Ebu ane tahiꞌa tahiꞌaꞌa, ḡoere eꞌe huga ihozoga veize ani ḡadiniro.

¹⁸Ebuni aniꞌa naenaezinaꞌa, ahige reiro. 'Zae zuni zamaze mene ꞌaꞌaduꞌehehe? Enoneꞌonoꞌo hebeo diuḡeꞌeteꞌe ogomuḡaniꞌe vaze mene sausauneꞌohe.

¹⁹Mazaḡaniꞌe zamao mene diuḡeꞌohe. Rehamo isio daꞌo diuḡeꞌohe. Ebuni modeꞌeteꞌe habaꞌanonoꞌo buauꞌohe.' Ḡoere ꞌadi raꞌetaꞌaꞌe, Iesu ani, ogomu niduꞌa aꞌaꞌe anoga idaḡa rae raꞌohe.

²⁰Hena bare ziꞌenaꞌa, 'Zamaonoꞌo buaꞌ onaeꞌeteꞌe ḡauḡaniꞌa, vaze sausauneꞌohe.

²¹Mazaḡaniꞌe vaze zamaonoꞌo zamarone sauꞌaniꞌa buaꞌ onaeꞌohe: nogoba teite ḡiriu bazeꞌeteꞌe,

²²ḡonore, gorugoru, vaze hahu teite bazeꞌeteꞌe, teꞌone, haḡai sauꞌa, ḡuriro, ubuma ḡezoḡa, ahiahi, ḡuriro ḡoeꞌa aduga, niḡa bare ḡihine, ebuni haḡai tauḡi tauḡe.

²³ꞌAdi sauꞌa niduꞌaniꞌe vaze zamaonoꞌo fureruꞌohe. Ebu vaze sausauneꞌohe.'

²⁴Iesu eꞌanoꞌo iḡunadu, Turo zuni Sidono habaꞌa onamiro. Ebuni ne ꞌahogano diuḡiro. Ani uraꞌe aneꞌa onairoteꞌe, vazeꞌa ederoga mene uratiro. Rehamo vazeꞌa mene ederadu, Iesuꞌa ꞌuꞌuru radoga ibiḡa oꞌoꞌa.

²⁵U roḡae ꞌahoga aboḡaniꞌe, vine sauꞌaniꞌa rana reiroteꞌe. Eꞌe roḡaeḡaniꞌa Iesu hariḡa igirotene, onairo. Ebu Iesu odaḡa babaḡano ḡuḡuriro.

²⁶Aniꞌe |iGuriki|r* roḡaeḡa, TuroFenise habaꞌano bororaro. Ani Iesu uminiro, vine sauꞌa aboḡa mazaonoꞌo hegone bunoga veize.

²⁷Rehano Iesuꞌa ninaꞌa, ꞌahige reiro. 'Ne tahiꞌaḡa isize ge au usuranoga. Mazaḡa tahiꞌa ogomu madu, ḡuni veize feuno zenogaꞌe mene manoḡa.'

²⁸Roḡae ani naenaeniro. ꞌAhige reiro. 'Zuhiꞌa Boro, hube, rehano ḡuniꞌe fata ꞌuꞌuḡano tahiꞌa ogomu mumuḡa auꞌohe.'

²⁹Ebuni aniꞌa roḡae bare ninaꞌa, ꞌahige reiro. 'Ḡa ḡoereꞌe idaḡa bobo, ne onamoꞌi. Vine sauꞌa ai aboḡo mazaonoꞌo buaneha.'

³⁰Ebuni roḡae ai ane ne onamiro. Aboḡaniꞌe ane bazuni fataḡano bazeꞌenogano haniniro. U vine sauꞌaniꞌe ani zamaonoꞌo buaro.

³¹Ebuni Iesu ani Turo habaꞌa modirotene, Sidono ebu ne gaubanana habaꞌanonoꞌo vitau onamiro. Ebu Galilea duꞌuraḡano feuriꞌ onamiro.

³²Ebuni vaze nuꞌa teḡa ꞌuhu zu ḡoeꞌa oꞌoꞌa vazeḡa, Iesu vaḡe zamahu onairo. Ebu uminiro, ane evoꞌa ane ranatoga veize.

³³Iesuꞌa ḡuḡuva zamaḡanonoꞌo zamahu vaḡiniro. Ebu evoꞌa huduꞌa hina teḡaḡa hoꞌoga ruꞌuniro. Ebu soꞌabidadu, mazaḡa oboniro.