Marafanna Falane 5:5-14

⁵N to keli n xa dɛɛn nabi n xanuntenna xa, mirihi latikɔnɔnna yi n yiine nun yii sonle ra, han a lu dindinɲɛ bɔxɔni e nun dɛɛn balan seen ma.

⁶N yi dɛɛn nabi n xanuntenna xa, koni n xanuntenna bata yi a xun xanbi so, a dangu. A fala xuiin yi godoma n niini, n yi a fen, n mi a to, n yi a xili han, koni a mi n yabi.

⁷Kantan tiin naxanye taan nabilinma, ne yi fa n li, e yi n bɔnbɔ, e yi n maxɔlɔ, e yi n ma xunbeli domaan ba n ma, e tan naxanye taan nabilinna yinna kantanma.

⁸Yerusalɛn sungutunne, ɛ kɔlɔ n xa. Xa ɛ n xanuntenna to, ɛ nanse falama a xa? Ɛ a fala a xa, fa fala a fe xanuntenyaan furena n ma.

⁹I tan ɲaxanla naxan tofan ɲaxanle birin xa i xanuntenna fan e birin xa di? I xanuntenna fisa gbɛtɛye xa kiin mundun yi, naxan a ligaxi i nxu rakɔlɔma na kiini?

¹⁰N xanuntenna fatin fixa, a gbeeli, a rayabu muxu wuli fuun yɛ.

¹¹A xunna luxi alo xɛma kɛndɛna, a xunsɛxɛne saxi a ma, e fɔrɔ alo xaxaan xabena.

¹²A yɛɛne rayabu alo ganbane xuden dɛ. E fixa alo nɔnɔna, e mayilenma alo dayimuna.

¹³A xadene luxi alo sansi xiri ɲaxumɛ nakɔna, naxanye xiri ɲaxumɛn tema. A dɛ kidine luxi alo gabala fugene mirihi latikɔnɔnna minima dɛnaxan yi.

¹⁴A yiine rayabu alo yiiraso xɛma daxin naxanye rayabuxi kirisoliti gɛmɛ faɲine ra. A fatin luxi alo sama ɲin xuruxina safiri gɛmɛ faɲin saxin naxan ma.