Mantá Tanla 26:25-32

²⁵Junni Páblori Féstoca duque respetaito manpato, itsantinue: —Te, loco itoyoe. Tenca tan joto, tsarasica pánayoe tinue.

²⁶Junca miya Agripa jera mirae tinue Jesucrístoca paca fiquica. Jun tenchi luratuto yabe cuenta quiniquinayoe tinue. Yari junca jera miranae tinue. Jesucristo nosa nenatumin jominhe tinue.

²⁷Junni Pablo Féstobe tsantisi, miya Agrípabe itsantinue: —¿Nuri Diosichi Pilaca quereiyun? ya matu to Diosichi mantate pila chutecaca. La mirayoe tinue nu quereimin joeque.

²⁸Junni Agripa Páblobe beconan itsantinue: —Nuri cuenta nasi caquitori, lacanan Jesucrístobe penenamin suwano jonhoe tinue.

²⁹Junni Páblori itsantinue: —O nasi cuenta caquito, o duque cuenta caquito, se jonijochunae tinue. Nuca la cuwenta josa tenjae. Diosibe rocainayoe tinue yape tsanhisa carisa. Jerale amana meranaminlanan la cuwenta josa tenjae tinue. Juntonan nulacari la cuwenta telarasa tenjatue tinue.

³⁰Junni Pablo tsantinasaleri, miyabe cobernadoribe Berenícebe uyanlabe jeralela wiruito manlolainue.

³¹Junni manlotobi, Pábloca tenpalaquinue. Culpa itoe latinue. Totentsancari jutsa natiya quica itoe latinue. Doranonan itoe latinue.

³²Junsi Agripa Féstobe itsantinue: —Pablo románolachi fe mantá tan miyachica eresa rocaica itomanpari, yaca manlarino podeino jominla joinhie tinue.