Paisowa 26:25-32

²⁵Alinana Paulo ya bui, Baꞌisa, yau hige ya bwadebwade! Yau E libaliba dudulai.

²⁶Baꞌisa Agilipa! Somo E libalibaedi te, hige simosimo yai ti tubu. E siba wananaha mate haꞌa wa sibaidi. Logena nuwagu ya adidili, be E falibam.

²⁷Baꞌisa Agilipa, Peloweta wa kawawananahaꞌedi e higeꞌe? E sibai mate wa kawawananahaꞌedi.

²⁸Agilipa ya libalau Paulo lisina iyen, Wa sibai haba gonowam nuwagu wa bui feufeulai, be E famala “Kulistin”?

²⁹Ena liba Paulo ya bui iyen, Haba emi nuwabui tefana ya lofa o ya tupo, na egu lauꞌuꞌula Yaubada lisina yai mate bena um yo salumadi aho ite ami ataꞌatahi ami famala doha yau - na in moho tabu ti senimiu!

³⁰Habahim Agilipa, Benisi, Gawana Fesitu, yo salumadi maꞌedi sa mwaito.

³¹Sa lau ganamuli yai, na tiyen, Doga te hige ana mata hesa bena ti falau deli, e ti wunui.

³²Be Agilipa ya libalau Fesitu lebena yai iyen, Doga te, ibe hige Sisa i anꞌetai, egoba haꞌa ti soꞌe fahi.