Acts 26:25-32

²⁵Paul i kaobeya, “Au bada Festus, yauku kega a neganega, awaika a bisisiyei wai wona damana.

²⁶Taupauma Agripa nikosi i kuira roboi wai ere tepa toraku kurina ani sisiya. A bi tumaganei kata awaika ereonowana mata kamonai, kairavina kega meo moyu ai bibuni yai si wosei.

²⁷I taibira Taupauma Agripa kurina, kom peroperoveta ke bigeruvisi kona? A kuiri kata ke bigeruvisi.”

²⁸Damanina ba Agripa, Paul kurina i wona, “Ke nosinosi kata niko mara yoginaikei kamonai, kuti nuwatainiku ba ati Keresiyana?”

²⁹Paul i kaobeya i wona, “Mara yogina ikei kamonai kona mara veoromina, saba au pari God kurina wai, kata kom ba ereonowami ko bitainabaenega wai, Iesu koni geruwei yauku rutainiku, saba kega nikasike ere patupatumiku.”

³⁰Damanina ba taupauma, governor, Bernice ba ereonowasi yabata si mamana wai si bomsiri.

³¹Si kasikasibau maranai, kosi wata si kaoboneyana, si wona, “Niko sebare kega awaika goyona i wosei kata ku patuma yovena sita terei kona ita rabobo.”

³²Agripa, Festus kurina i wona, “Niko sebare kega Caesar kurina iti baba wai matapa sita tombauni.”